ისრაელის ხელისუფლება დამასკოზე მიტანილ საჰაერო იერიშს არც უარყოფს და არც ადასტურებს. დაზვერვის სამსახურის ხელმძღვანელის, ისრაელ კაცის თქმით, ჰეზბოლას პოზიციების დაბომბვა ლიბანურ დაჯგუფებასთან ბრძოლის სტრატეგიის ნაწილია. ამასთან, კაცს ოფიციალურად არ დაუდასტურებია, რომ დამასკოს აეროპორტის მიმდებარე ტერიტორია ებრაულმა ავიაგამანადგურებლებმა დაბომბეს. ინფორმაცია დამასკოში ჰეზბოლას იარაღის საწყობის დაბომბვის შესახებ დღეს დილით გავრცელდა. დაზუსტებული ინფორმაცია მსხვერპლის შესახებ ჯერჯერობით არ გავრცელებულა.
