მარტის საპროტესტო აქციების შემდეგ რუსეთის სკოლებსა და უმაღლეს სასწავლებლებში აღმზრდელობითი ლექციები ჩაატარეს. ამის შესახებ BBC-ის რუსული სამსახური იტყობინება. გავრცელებული ინფორმაციით, მოსწავლეებსა და სტუდენტებს ანტიექსტრემისტული ფილმები უჩვენეს და ალექსეი ნავალნის ანტისახელმწიფოებრივი საქმიანობის შესახებ ესაუბრნენ. მასშტაბური ანტიკორუფციული აქციები მოსკოვსა და ქვეყნის დიდ ქალაქებში ოპოზიციის ლიდერის, ალექსეი ნავალნის ორგანიზებით ჩატარდა. აქციის მონაწილეთა უმრავლესობა სტუდენტები იყვნენ. პოლიციამ მხოლოდ მოსკოვში ათასზე მეტი აქტივისტი დააკავა.
