ევროკავშირმა ერთხელ და სამუდამოდ უნდა გადაწყვიტოს, სურს თუ არა ორგანიზაციის წევრად თურქეთის მიღება. ამის შესახებ სააგენტო „ბლუმბერგისთვის“ მიცემულ ინტერვიუში თურქეთის პრემიერ-მინისტრმა ბინალი ილდირიმმა განაცხადა.
„ევროპა ჩვენს მიმართ გულწრფელი უნდა იყოს და საბოლოო გადაწყვეტილება მიიღოს. დღემდე მათ არცერთი დაპირება არ შეუსრულებიათ. დაპირებული 3 მილიარდის ნაცვლად ლტოლვილთა კრიზისის მოსაგვარებლად ჯერჯერობით 790 მილიონი გვაქვს მიღებული. ჩვენთვის არც ვიზალიბერალიზაცია მოუციათ,“-აღნიშნა ილდირიმმა.
