პირველად პრეზიდენტის პოსტის დატოვების შემდეგ, ბარაქ ობამა საზოგადოების წინაშე სიტყვით გამოვიდა. ყოფილი პრეზიდენტი ჩიკაგოს უნივერსიტეტის სტუდენტებს შეხვდა და სამომავლო გეგმებზე ისაუბრა.
„მთავარი და ყველაზე მნიშვნელოვანი, რაც შემიძლია გავაკეთო, ახალი თაობის ლიდერების მომზადებაში მივიღო მონაწილეობა, რათა მათ ესტაფეტა ღირსეულად გადაიბარონ. მინდა აქტიური მონაწილეობა მივიღო სასამართლო რეფორმებისა და პოლიტიკის დაფინანსების საკითხებზე მუშაობაში, რადგანაც ეს ის პრობლემებია, რომლებიც პროგრესში გვიშლის ხელს, როგორც პოლიტიკაში ისე საზოგადოებრივ ცხოვრებაში,“-აღნიშნა ობამამ.
