საფრანგეთის აღმოსავლეთით, ქალაქ ბეზანსონში ორ საარჩევნო უბანზე დროებით ევაკუაცია გამოცხადდა. ადგილობრივი მედიის ცნობით, 410-ე და 411-ე უბნები დროებით დახურეს. ევაკუაციის მიზეზი საეჭვო ავტომანქანა გახდა, რომელიც პოლიციამ საარჩევნო უბნებთან ახლოს შენიშნა. ადგილზე სამართალდამცველები მუშაობენ.
საფრანგეთში დღეს რიგით მე-11 საპრეზიდენტო არჩევნები იმართება. ადგილობრივი დროით 08:00 საათიდან (თბილისის დროით 10:00 საათიდან) საფრანგეთის 66 546 უბანზე ფრანგები მომავალ ლიდერს 11 კანდიდატს შორის აირჩევენ. საარჩევნო უბნები ადგილობრივი დროით 19:00 საათზე დაიხურება, ხოლო რიგ დიდ ქალაქებში - 20:00 საათზე.
საფრანგეთში მიმდინარე საპრეზიდენტო არჩევნების პირველ ტურის უსაფრთხოებისთვის 50 000 პოლიციელი და 7 000 სამხედროა მობილიზებული. არჩევნები 66 546 უბანზე ტარდება.
