ისლამურ სახელმწიფოს დედაქალაქი რაქადან დეირ-ეზ-ზორში გადააქვს. ამის შესახებ ფოქს ნიუსი პენტაგონის წყაროზე დაყრდნობით იტყობინება. გავრცელებული ინფორმაციით, ბოლო 2 თვის განმავლობაში რაქა ასობით ისლამისტმა მებრძოლმა დატოვა და ქალაქ მეიადინში გადავიდა, რომელიც დეირ-ეზ-ზორის სამხრეთით მდებარეობს. ამის მიზეზი რაქაზე გახშირებული იერიშები გახდა. უახლოეს ხანებში საერთაშორისო კოალიცია რაქაზე გადამწყვეტი იერიშის მიტანას გეგმავს.
