შეერთებული შტატები ფოლადის იმპორტთან დაკავშირებით ტოტალურ გამოძიებას იწყებს. შესაბამის განკარგულებას ხელი პრეზიდენტმა ტრამპმა მოაწერა. ამერიკის ვაჭრობის მინისტრის, უილბურ როსის განმარტებით, პირველ რიგში შემოწმდება ჩინეთიდან იმპორტირებული ფოლადი, რომელიც ამერიკულ ბაზარზე 26 პროცენტს შეადგენს. ახალი კანონი ტრამპს საშუალებას მისცემს, ეროვნული ინტერესებიდან გამომდინარე, იმპორტზე სრული შეზღუდვა დააწესოს. ვაშინგტონის განმარტებით, ამ გზით შტატებში იაფფასიანი ფოლადის შედინება აღიკვეთება, რაც ადგილობრივი ფოლადის მწარმოებლებს მისცემს ხელს. მანამდე თეთრი სახლის ლიდერმა კიდევ ერთი განკარგულება გამოსცა, რომლის მიხედვითაც, სახელმწიფო პროექტებისთვის ადგილობრივი წარმოების ფოლადი უნდა იქნას შესყიდული. ექსპერტები ვარაუდობენ, რომ ჩინეთზე ზეწოლის გაძლიერება ჩრედილოეთ კორეის საკითხს უკავშირდება, რაზეც ტრამპი პეკინთან აქტიურ მოლაპარაკებებს აწარმოებს, თუმცა როგორც ვაშინგტონი ირწმუნება, პრეზიდენტის ინიციატივა რომელიმე კონკრეტული ქვეყნის წინააღმდეგ არ არის მიმართული.
