საფრანგეთის საპრეზიდენტო არჩევნების პირველ ტურამდე 3 დღით ადრე ემანუელ მაკრონი მარინ ლე პენს 3 პროცენტით უსწრებს. სოციოლოგიური გამოკითხვა ამჯერად კომპანია ჰერის ინტერაქტივმა ჩაატარა. გამოკითხვის შედეგებით, ეკონომიკის ყოფილ მინისტრს ამომრჩეველთა ხმების 25 პროცენტი აქვს, ეროვნული ფრონტის ლიდერს კი მხარს რესპოდენტთა 22 პროცენტი უჭერს. საპრეზიდენტო არჩევნები საფრანგეთში ორ ტურად, 23 აპრილსა და 7 მაისს გაიმართება.
