თურქეთში საკონსტიტუციო ცვლილებებზე საყოველთაო რეფერენდუმი ტარდება. იმ შემთხვევაში, თუ მოსახლეობა კონსტიტუციაში შესატან ცვლილებებს მხარს დაუჭერს, პრეზიდენტს უფლებამოსილება უკიდურესად გაეზრდება. ერდოღანის დაქვემდებარებაში მთელი აღმასრულებელი ხელისუფლება გადავა. გაუქმდება პრემიერ-მინისტრის პოსტი. მინისტრთა კაბინეტს პრეზიდენტი დააკომპლექტებს. ქვეყნის უმაღლეს პირს დაექვემდებარება პარლამენტიც, რომლის დათხოვნაც ერდოღანს ნებისმიერ დროს შეეძლება. მის განკარგულებაში გადავა იუსტიციის სამინისტრო და სასამართლო სისტემაც. ოპოზიცია მოქმედ პრეზიდენტს ხელისუფლების უზურპაციაში ადანაშაულებს და მოსახლეობას რეფერენდუმის იგნორირებისკენ მოუწოდებს. საპრეზიდენტო უფლებამოსილების გაზრდის შესახებ რეფერენდუმის ჩატარების გადაწყვეტილება ერდოღანმა 15 ივლისის არშემდგარი სამხედრო გადატრიალების შემდეგ მიიღო.
