ისლამური სახელმწიფო ირწმუნება, რომ ამერიკულ ავიაიერიშს ავღანეთში მსხვერპლი არ მოჰყოლია. საგანგებო განცხადება ისლამისტებმა ინტერნეტში გაავრცელეს. ე.წ. „ყველა ბომბის დედა,“ რომელიც პენტაგონის არსენალში ყველაზე დიდ არაბირთვულ ბომბად ითვლება, ამერიკელებმა ავღანეთში 2 დღის წინ ჩააგდეს. შედეგად ისლამისტთა გვირაბები განადგურდა. პენტაგონის ინფორმაციით, ავიადარტყმას 36 ისლამისტი ემსხვერპლა, ნანგარჰარის პროვინციის გუბერნატორის მტკიცებით კი დაღუპულთა რაოდენობა 90-ს აღწევს.
