აშშ ავიაციამ ავღანეთში ყველაზე დიდი არაბირთვული ბომბი ჩააგდო. ამის შესახებ პენტაგონი იტყობინება. GBU-43 ცხრა მეტრის სიგრძისაა და 10 ტონას იწონის. ის არსენალში „ყველა ბომბის დედის“ სახელითაა ცნობილი. პირველად ის 2003 წელს გამოცადეს. მანამდე სამხედრო მოქმედებებში არ გამოუყენებიათ. გავრცელებული ინფორმაციით, ბომბი ამერიკელებმა აჩინის რაიონში ისლამური სახელმწიფოს გვირაბების გასანადგურებლად ჩააგდეს.
