გაეროს უშიშროების საბჭოში რუსეთის მუდმივი წარმომადგენლის, ვლადიმერ საფრონკოვის გამოსვლა კრემლის პრეს-მდივანმა შეაფასა.
„ვფიქრობთ, მას შეურაცხმყოფელი არაფერი უთქვამს. უშიშროების საბჭო, როგორც წესი, მწვავე საკითხებს განიხილავს და შესაბამისად, რუსეთის წარმომადგენლის გამოსვლაც მწვავე იყო. მომავლისთვის მნიშვნელოვანი საკითხების განხილვისას სირბილისა და ლოიალობის გამოჩენა ისეთ შედეგებს მოგვიტანს, რომელიც სატირალი იქნება. ამიტომ, ჩვენმა წარმომადგენლებმა რუსეთის ინტერესები უნდა დაიცვას დღეს, თუ საჭიროა, ხისტადაც,“-აღნიშნა დიმიტრი პესკოვმა.
საფრონკოვის რისხვა გუშინ თავს უშიშროების საბჭოს სხდომაზე ბრიტანეთის მუდმივ ელჩს დაატყდა, რომელმაც რუსეთი სირიის სისხლიანი რეჟიმის მხარდაჭერაში დაადანაშაულა.
