ჩინეთის გადაწყვეტილება, არ დაებლოკა სირიის შესახებ რეზოლუციის ახალი პროექტი, დონალდ ტრამპის გამარჯვებაა. ამის შესახებ თეთრი სახლის პრეს-მდივანმა შონ სპაისერმა განაცხადა.
„ სირიის მოქმედ რეჟიმს დღეს უკვე ქვეყნების მცირე ჯგუფი უჭერს მხარს, რომლებიც შეუმდგარ სახელმწიფოებს წარმოადგენენ, თუ რა თქმა უნდა, რუსეთს არ ჩავთვლით,“-აღნიშნა სპაისერმა. რეზოლუციის ახალი პროექტი უშიშროების საბჭოში აშშ-მ, საფრანგეთმა და ბრიტანეთმა შეიტანეს. დოკუმენტის თანახმად, იდლიბში ქიმიური იარაღის გამოყენებაზე პასუხისმგებლობა ასადის რეჟიმს ეკისრებოდა. პროექტი, როგორც მოსალოდნელი იყო, რუსეთმა დაბლოკა. წინააღმდეგ ხმა ასევე ბოლივიამ მისცა. ჩინეთმა, ეთიოპიამ და ყაზახეთმა თავი შეიკავა. უშიშროების საბჭოს დარჩენილმა 10-მა წევრმა კი რეზოლუციის პროექტს მხარი დაუჭირა.
