ამერიკის ხელისუფლებაში დონალდ ტრამპის მოსვლის შემდეგ შეერთებული შტატებისადმი ნდობის მაჩვენებელი არ გაზრდილა. ამის შესახებ კრემლის ლიდერმა ტელერადიოსადგურ „მირისთვის“ მიცემულ ინტერვიუში განაცხადა. პუტინის თქმით, ობამას ადმინისტრაციის შემდეგ ვაშინგტონისადმი ნდობა კიდევ უფრო შემცირდა. პუტინმა კომენტარი იდლიბის ტრაგიკულ მოვლენებზეც გააკეთა. მისი თქმით, ასადის რეჟიმს მშვიდობიანი მცხოვრებლების წინააღმდეგ ქიმიური იარაღი არ გამოუყენებია. „არის ორი სარწმუნო ვერსია. სირიის ავიაციამ ამბოხებულთა საწყობი დაბომბა, სადაც ქიმიური იარაღი ინახებოდა ან ეს მორიგი პროვოკაცია და ქიმიური იარაღის გამოყენების ინსცენირებაა,“-აღნიშნა პუტინმა.
