მოსკოვში დღეს ამერიკის სახელმწიფო მდივანს ელიან. რექს ტილერსონი რუსეთის დედაქალაქს პირველი ოფიციალური ვიზიტით ეწვევა. ვიზიტამდე ერთი დღით ადრე კრემლმა განმარტა, რომ რუსეთის პრეზიდენტი ამერიკის პირველ დიპლომატთან შეხვედრას არ გეგმავს. ტილერსონი შეხვედრას რუს კოლეგა სერგეი ლავროვთან გამართავს. საუბრის მთავარი თემა სირიის კრიზისი იქნება. მოსკოვში ვიზიტს ტილერსონი ხვალ დაასრულებს.
