კორეის ნახევარკუნძულთან ამერიკული ავიამზიდის, კარლ ვინსონის მოახლოვება კიდევ ერთი დადასტურებაა იმისა, რომ ამერიკელები ჩრდილოეთ კორეაზე თავდასხმის გეგმას ამზადებენ. ამის შესახებ ჩრდილოეთ კორეის საგარეო საქმეთა სამინისტროში განაცხადეს. იმ შემთხვევაში, თუ შეერთებული შტატები სამხედრო მანევრებს არ შეწყვეტს, ფხენიანი ადეკვატური ზომების მიღებით იმუქრება. ამერიკული ფლოტის დამრტყმელმა ჯგუფმა წყნარ ოკეანეში მანევრირების ბრძანება პენტაგონისგან 9 აპრილს მიიღო.
