ნანა ექვთიმიშვილისა და სიმონ გროსის ფილმი "ჩემი ბედნიერი ოჯახი" საფესტივალო კარიერას განაგრძობს.
იგი იტალიაში, ლეჩეს ევროპული კინოს ფესტივალზე 3 პრიზით დაჯილდოვდა.
"ჩემი ბედნიერი ოჯახი" ფესტივალის საუკეთესო ფილმი გახდა და მთავარი ჯილდო - ოქრის ზეთისხილის ხე გადაეცა.
ფილმი ასევე დააჯილდოვეს საუკეთესო საოპერატორო ნამუშევრისთვის და ასევე, კინოკრიტიკოსთა საერთაშორისო გაერთიანების, FIPRESCI-ს პრიზით.
დაჯილდოვების ცერემონიალს ესწრებოდა ფილმში მთავარი როლის შემსრულებელი, მსახიობი ია შუღლიაშვილი ფრანგ კოპროდიუსერთან, გიომ დე სეისთან ერთად.
ლეჩეს ევროპული კინოს ფესტივალი იტალიაში 3-8 აპრილს ჩატარდა.
