ტერორისტული აქტები ეგვიპტეში ისლამურმა სახელმწიფომ განახორციელა. ძლიერი აფეთქების ხმა შუადღისას ქალაქ ტენტას ცენტრალურ რაიონში გაისმა. ასაფეთქებელი მოწყობილობა წმინდა გიორგის სახელობის კოპტურ ეკლესიაში ამოქმედდა, სადაც ქრისტიანები ბზობის დღესასწაულს აღნიშნავდნენ. ტერაქტს, ბოლო მონაცემებით, 30-მდე ადამიანი ემსხვერპლა, 70-მდე კი დაშავდა. გავრცელდა ინფორმაცია პოლიციის სასწავლო ცენტრთან მომხდარი აფეთქების შესახებაც, რის შედეგადაც ერთი პოლიციელი დაიღუპა. მოგვიანებით თვითმკვლელმა ტერორისტმა თავი ალექსანდრიაში წმინდა მარკოზის ტაძართან აიფეთქა, რის შედეგადაც 11 ადამიანი დაიღუპა. ეგვიპტის პრემიერ-მინისტრმა შერიფ ისრაელმა მომხდარს უკვე მისცა ტერორისტული აქტის კვალიფიკაცია.
