სტოკჰოლმში ტერაქტის სავარაუდო შემსრულებელი დააკავეს. ადგილობრივი პოლიციის ინფორმაციით, დაკავებული უზბეკეთის 39 წლის მოქალაქეა. მასშტაბური ტერორისტული აქტი შვედეთის დედაქალაქში გუშინ, შუადღისას განხორციელდა. ტერორისტი გატაცებული სატვირთო მანქანით ფეხით მოსიარულეთა მასაში შეიჭრა, რასაც 4 ადამიანი ემსხვერპლა, რამდენიმე კი დაშავდა. დაუდასტურებელი ინფორმაციით, სამართალდამცველებმა მანქანაში ასაფეთქებელი მოწყობილობაც აღმოაჩინეს.
