შეერთებული შტატები უზრუნველყოფს იმას, რომ ბაშარ ასადმა ქიმიური იარაღი ვეღარ გამოიყენოს. ამის შესახებ ამერიკის მუდმივმა წარმომადგენელმა გაეროში ნიკი ჰეილმა უშიშროების საბჭოს სხდომაზე განაცხადა, რომელიც ბოლივიის ინიციატივით გაიმართა. საბჭოს წევრებმა ამერიკის მიერ სირიის სამხედრო ავიაბაზის დაბომბვის საკითხი განიხილეს. სხდომა, როგორც მოსალოდნელი იყო, შეერთებული შტატებისა და რუსეთის წარმომადგენელთა კამათისა და ურთიერთბრალდებების ფონზე წარიმართა. რუსეთმა შეერთებული შტატები სირიის წინააღმდეგ განხორციელებულ ღია აგრესიაში დაადანაშაულა.
