ვაშინგტონი სამხრეთ ოსეთში დაგეგმულ დეფაქტო რეფერენდუმსა და არჩევნებს არ აღიარებს. საგანგებო განცხადება ამერიკის სახელმწიფო დეპარტამენტმა გაავრცელა. „შეერთებული შტატები უკანონოდ თვლის რეფერენდუმს, რომელიც სამხრეთ ოსეთისთვის სახელის შეცვლის ინიციატივით ტარდება. ასევე არ ვაღიარებთ 12 და 26 მარტს აფხაზეთში გამართული არჩევნების შედეგებსა და 9 აპრილს სამხრეთ ოსეთში დაგეგმილი არჩევნების ლეგიტიმურობას. შეერთბული შტატები მყარად უჭერს მხარს საქართველოს სუვერენიტეტსა და ტერიტორიულ მთლიანობას“-ნათქვამია ტილერსონის უწყების განცხადებაში.
