შეერთებული შტატების მიერ სირიული სამხედრო ბაზის დაბომბვის ფაქტს ოფიციალური მოსკოვი გამოეხმაურა. საგარეო საქმეთა სამინისტროს წარმომადგენელმა მარია ზახაროვამ მომხდარს სირიის სუვერენული სახელმწიფოს წინააღმდეგ განხორციელებული ღია აგრესია უწოდა.
„შეერთებულმა შტატებმა მიზეზად გამოიყენა იდლიბში მომხდარი ქიმიური ინცინდენტი, არ დაელოდა სიმართლის გარკვევას და იერიში მიიტანა სირიის სახელისუფლო ძალებზე. ამერიკულმა მხარემ ძალის დემონსტრირება მოახდინა, რაც ადრეც არაერთგზის გაუკეთებია. სახეზე გვაქვს ღია აგრესიის აქტი სუვერენული ქვეყნის წინააღმდეგ, რომელიც საერთაშორისო ტერორიზმს ებრძვის. რუსეთი არასდროს შეეგუება არალეგიტიმურ ქმედებებს სირიის წინააღმდეგ,“-აღნიშნა ზახაროვამ.
