საერთაშორისო უფლებადამცველი ორგანიზაცია „ამნესტი ინთერნეიშენალი“ რუსეთის მთავრობას მოუწოდებს, ჩეჩნეთში სექსუალური უმცირესობების წარმომადგენლების მკვლელობისა და ძალადობის ფაქტები გამოიძიოს. ორგანიზაციის განცხადებაში ასევე ნათქვამია, რომ შესაბამისმა სამსახურებმა უნდა უზრუნველყონ იმ ადამიანების უსაფრთხოება, რომლებიც სექსუალური ორიენტაციის გამო იდევნებიან. „ამნესტი ინთერნეიშენალი“ რუსეთის მთავრობას ასევე მოუწოდებს დაგმოს ოფიციალური პირების დისკრიმინაციული განცხადებები.
