სტამბოლში რუსეთის გენერალურ საკონსულოსტან ხმაურიანი აქცია გაიმართა. აქციის მონაწილეებმა იდლიბში ქიმიური იარაღის გამოყენების ფაქტი დაგმეს. „იმპერიალისტურო რუსეთო, გაეთრიე სირიიდან!“-ამ შინაარსის პლაკატებით დემონსტრანტებმა სირიაში რუსეთის პოლიტიკა დაგმეს. იდლიბი ქიმიური ჭურვებით გუშინ დაიბომბა, რასაც ბოლო მონაცემებით, 72 ადამიანი ემსხვერპლა. საერთაშორისო საზოგადოება მომხდარში რუსეთის მიერ მხარდაჭერილ ბაშარ ასადის რეჟიმს აკისრებს.
