ბრიუსელში სირიის საკითხზე მიმდინარე საერთაშორისო კონფერენციაზე ქიმიური თავდასხმის მსხვერპლთ წუთიერი დუმილით პატივი მიაგეს. კონფერენციას გერმანიის, ბრიტანეთის, ქუვეითის, ნორვეგიის, ყატარისა და გაეროს წარმომადგენლები ესწრებიან. სირიაში საომარი მოქმედებები უკვე მეშვიდე წელია, გრძელედება. გაერომ საერთაშორისო საზოგადოებას სირიაში ჰუმანიტარული კრიზისის დასაძლევად 8 მილიარდი დოლარის ოდენობის თანხის გამოყოფისკენ მოუწოდა. სირიის მშვიდობიანი მოქალაქეების დიდი ნაწილი დღეს დევნილია.
