სანკტ-პეტერბურგში ცენტრალური აზიის 6 მოქალაქე დააკავეს. ისინი „ისლამური სახელმწიფოსა“ და“ჯებჰატ ან-ნუსრას“ სასარგებლოდ ადამიანების გადაბირებაში არიან ეჭვმიტანილნი. გამომძიებლები ვარაუდობენ, რომ ეჭვმიტანილები 2015 წლის ნოემბრიდან დღემდე ცდილობდნენ ცენტრალური აზიის რესპუბლიკების მოქალაქეების გადაბირებას, თუმცა სანკტ-პეტერბურგის მეტროში მომხდარ ტერაქტთან მათი კავშირი ჯერჯერობით არ დასტურდება.
