სანკტ-პეტერბურგის მეტროპოლიტენში ისევ ბომბებს ეძებენ. ანონიმური ზარის გამო მეტროსადგური სენნაია დროებით ჩაიკეტა. მგზავრები არ შეუშვეს დოსტოევსკაიასა და ვლადიმირსკაიას სადგურებშიც. მასშტაბური ტერორისტული აქტი რუსეთის ჩრდილოეთ დედაქალაქში გუშინ განხორციელდა. ასაფეთქებელი მოწყობილობა მატარებლის ვაგონში ამოქმედდა, რასაც ბოლო მონაცემებით, 14 ადამიანი ემსხვერპლა, 49 კი ამ დრომდე კლინიკებში რჩება. ცნობილი ხდება ტერაქტში ეჭვმიტანილის ვინაობაც. ის სავარაუდოდ რუსეთის მოქალაქე, ეთნიკური ყირგიზი, 1995 წელს დაბადებული აკბარჟონ ჯალილოვია.
