შეერთებულ შტატებში სტიქიის შედეგად მიყენებულ ზარალს ითვლიან. ბოლო მონაცემებით, ტროპიკულმა შტორმმა ქვეყნის სამხრეთ-აღმოსავლეთ შტატებში 5 ადამიანი ემსხვერპლა. ყველაზე მეტად სტიქიამ ლუიზიანა დააზარალა. ძლიერმა ქარიშხალმა ასობით საცხოვრებელი სახლი დაანგრია. მწყობრიდან გამოვიდა ელექტროგადამცემი ხაზებიც, რის გამოც რამდენიმე დასახლებულ რაიონს ელექტროენერგიის მიწოდება შეუწყდა.
