სანკტ-პეტერბურგელი ტერორისტი სავარაუდოდ ეთნიკური ყირგიზია. ამის შესახებ ყირგიზეთის უშიშროების სამსახურის ხელმძღვანელმა რაჰატ სულეიმანოვმა განაცხადა. წინასწარი მონაცემებით, ტერორისტს რუსეთის მოქალაქეობა ჰქონდა. მისი ფოტოები რუსულმა მედიასაშუალებებმა დღეს დილით გაავრცელეს. მასშტაბური ტერორისტული აქტი რუსეთის ჩრდილოეთ დედაქალაქში გუშინ საღამოს განხორციელდა. მეტროში მომხდარ აფეთქებას 11 ადამიანი ემსხვერპლა.
