სანქტ-პეტერბურგში მომხდარ აფეთქებას რუსეთის პრეზიდენტი ვლადიმერ პუტინი გამოეხმაურა. მან სამძიმარი გამოუცხადა დაღუპულთა ოჯახებს. პუტინის თქმით, აფეთქების ყველა ვერსია განიხილება, თუმცა მან სამი ძირითადი ვერსია გამოყო. მან აღნიშნა, რომ განიხილება არა მარტო ტერაქტის, არამედ საყოფაცხოვრებო და კრიმინალური ვერსიებიც.
"სამართალდამცავი ორგანოები და სპეციალური სამსახურები ყველაფერს გააკეთებენ, რომ მომხდარის მიზეზები გამოიკვლიონ. მე უკვე ვესაუბრე სპეცსამსახურების ხელმძღვანელ პირებს."- განაცხადა რუსეთის პრეზიდენტმა. მისივე თქმით, ხელისუფლება ყველაფერს გააკეთებს, რომ დაშავებულებს შესაბამისი დახმარება აღმოუჩინოს.
რუსეთის პრეზიდენტი სანქტ-პეტერბურგში სამუშაო ვიზიტით იმყოფება,სადაც ის თავის ბელარუს კოლეგას ალექსანდრე ლუკაშენკოს ხვდება.
სანკტ-პეტერბურგის მეტროში აფეთქების შდეგად, სულ მცირე 10 ადამიანია დაღუპული. დაშავებულთა რაოდენობა კი 50-მდე აღწევს.
