პოლონეთის პროკურატურა რუს დისპეტჩერებს სმოლენსკის ავიაკატასტროფის პროვოცირებაში ადანაშაულებს. გენერალური პროკურორის მოადგილის, მარკ პასიონოკის მტკიცებით, გამოძიების ფარგლებში მოპოვებული მტკიცებულებები ადასტურებს, რომ ლეხ კაჩინსკის თვითმფრინავის ჩამოვარდნაში ბრალი სმოლენსკელ ავიადისპეტჩერებს მიუძღვით. მისივე თქმით, კატასტროფისას სმოლენსკის სადისპეტჩეროში 2 დისპეტჩერი და კიდევ ერთი პირი იმყოფებოდა, რომლის ვინაობაც უცნობია. პოლონეთის საპრეზიდენტო თვითმფრინავმა კატასტროფა სმოლენსკში 2010 წლის 10 აპრილს განიცადა, რასაც 95 ადამიანი, მათ შორის, პოლონეთის პრეზიდენტი და პირველი ლედიც ემსხვერპლა.
