მოსულის გათავისუფლების ოპერაცია კიდევ ერთხელ შეჩერდა. ერაყის არმიის სამეთაურო შტაბის განცხადებით, საბრძოლო მოქმედებები იმის გამო შეწყდა, რომ მოსახლეობამ ჰუმანიტარული დერეფნებით სარგებლობა შეძლოს. ქალაქის დასავლეთ ნაწილში ამ დროისათვის 400 ათასამდე მცხოვრები რჩება. მოსახლეობა სასმელი წყლისა და სურსათის მწვავე დეფიციტს განიცდის. ქალაქის დატოვების საშუალებას კი ადგილობრივ მცხოვრებლებს ისლამისტები არ აძლევენ. დასავლეთ მოსულის გათავისუფლების ოპერაცია ერაყის არმიამ 19 თებერვალს დაიწყო.
