ისლამური სახელმწიფოს ლიდერი შესაძლოა მოსულში იმყოფებოდეს. ამის შესახებ ერაყის არმიის სამეთაურო შტაბი იტყობინება. გავრცელებული ინფორმაციით, ისლამისტები დასავლეთ მოსულის ალყის გარღვევას რამდენჯერმე თავგანწირვით შეეცადნენ, რაც შესაძლოა იმას ნიშნავდეს, რომ აბუ ბაქრ ალ ბაღდადი ქალაქში რჩება. მანამდე ვრცელდებოდა ინფორმაცია, რომ ისლამისტთა ლიდერმა მოსული აქტიური საბრძოლო მოქმედებების დაწყებამდე დატოვა. დასავლეთ მოსულის გათავისუფლების ოპერაცია ერაყის არმიამ 19 თებერვალს დაიწყო.
