Amnesty International-მა რუსეთის ანტიკორუფციული ფონდის აქტივისტები სინდისის პატიმრებად გამოაცხადა. ორგანიზაციამ სტატუსი ალექსეი ნავალნის ფონდის იმ წევრებს მიანიჭა, რომლებსაც სასამართლომ 15 დღიანი პატიმრობა მიუსაჯა. მასშტაბური საპროტესტო აქციები მოსკოვსა და ქვეყნის დიდ ქალაქებში ნავალნის ფონდის ორგანიზებით გაიმართა. პოლიციამ მხოლოდ მოსკოვში ათასამდე ადამიანი დააკავა. თავად ნავალნის მოსკოვის რაიონულმა სასამართლომ 15 დღით თავისუფლების აღკვეთა მიუსაჯა და 20 ათასი რუბლით დააჯარიმა.
