შეთანხმებას რუსეთის შეიარაღებულ ძალებში დეფაქტო სამხრეთ ოსეთის ცალკეული სამხედრო ნაწილების შეყვანის შესახებ ხელი დღეს მოეწერება. ამის შესახებ სააგენტო „რია ნოვოსტი“ რუსეთის თავდაცვის უწყების წყაროზე დაყრდნობით იტყობინება. გავრცელებული ინფორმაციით, დოკუმენტს ხელს სერგეი შოიგუ და არაღიარებული რესპუბლიკის თავდაცვის მინისტრი იბრაგიმ გასეევი მოაწერენ. არაღიარებული რესპუბლიკის ლიდერის, ლეონიდ თიბილოვის თქმით, ამ ეტაპზე რუსეთის შეიარაღებულ ძალებში 150 ოსი სამხედრო მოსამსახურე შევა.
