თურქეთმა ჩრდილოეთ სირიაში სამხედრო ოპერაცია „ევფრატის ფარი„ დაასრულა. ამის შესახებ პრემიერ მინისტრმა ბინალი ილდირიმმა განაცხადა. ჯერჯერობით უცნობია, რამდენ ხანს დარჩებიან თურქი სამხედროები სირიის ტერიტორიაზე. „ევფრატის ფარი“ ანკარამ 2016 წლის 24 აგვისტოს დაიწყო. თურქეთის მთავრობაში აცხადებენ, რომ სამხედრო ოპერაცია მიზნად თურქეთის სასაზღვრო რაიონების ტერორისტებისგან გაწმენდას ისახავდა.
