საფრანგეთის ყოფილი პრემიერ-მინისტრი მანუელ ვალსი საპრეზიდენტო არჩევნებზე მხარს ემანუელ მაკრონს დაუჭერს. ამის შესახებ მან BFMTV-ის ეთერში განაცხადა. „ საპრეზიდენტო არჩევნების პირველ ტურში ხმას ემანუელ მაკრონს მივცემ, რადგანაც ვთვლი, რომ რისკის ქვეშ არ უნდა დავაყენოთ რესპუბლიკა“, - აღნიშნა ვალსმა. საფრანგეთის ყოფილი პრემიერ-მინისტრი მმართველი სოციალისტური პარტიის პრაიმერიზის მეორე ტურში ბენუა ამონთან დაპირისპირებაში დამარცხდა, თუმცა საკუთარი პარტიის კანდიდატს მხარს არ დაუჭერს.
