ფილიპინების პრეზიდენტი როდრიგო დუტერტე რუსულ სამხედრო გემებს ქვეყნის ტერიტორიული წყლების გამოყენების უფლებას აძლევს, - ამის შესახებ მან ადგილობრივი მედიისთვის მიცემულ ინტერვიუში განაცხადა.
„მათ თავისუფლად შეუძლიათ გამოიყენონ ჩვენი საზღვაო აკვატორია, მხოლოდ საქმის კურში წინასწარ უნდა ჩაგვაყენონ,“-აღნიშნა დუტერტემ.
ფილიპინების ლიდერს დასავლეთთან ურთიერთობა მას შემდეგ დაეძაბა, რაც ნარკომაფიას დაუნდობელი ბრძოლა გამოუცხადა და მათ წინააღმდეგ გადამეტებული ძალა გამოიყენა. დუტერტემ აღიარა, რომ რამდენიმე კრიმინალი პირადად ჰყავს მოკლული.
