ლონდონის ტერაქტიდან რამდენიმე საათში პოლიციამ ბირნინგემში მასშტაბური რეიდი მოაწყო. სპეცოპერაცია ვესტმინსტერის რაიონში განხორციელებულ ტერაქტს უკავშირდება. დაკავებულია რამდენიმე ეჭვმიტანილი. მათი ვინაობა ჯერჯერობით არ სახელდება. თავდასხმა ლონდონის ცენტრში გუშინ საღამოს განხორციელდა. ტერორისტმა ვესტმინსტერის ხიდზე მანქანით რამდენიმე ადამიანი გაიტანა, რის შემდეგაც პარლამენტის შენობასთან პოლიციელს დანით დაესხა თავს. სამართალდამცველებმა ის ადგილზე მოკლეს. ბოლო მონაცემებით, ტერაქტს 4 ადამიანი ემსხვერპლა, 40-მდე კი დაშავდა. დაღუპულთა შორის პოლიციელიცაა. სკოტლანდ იარდი ვარაუდობს, რომ თავდამსხმელი ისლამისტურ ტერორიზმთან იყო კავშირში.
