ბენიამინ ნეთანიაჰუ მთავრობის დათხოვნითა და ვადამდელი არჩევნების ჩატარებით იმუქრება. ამის შესახებ ებრაული მედია იტყობინება. გავრცელებული ინფორმაციით, ისრაელის პრემიერს ფინანსთა მინისტრ მოშე კაჰლონთან ტელე-რადიო მაუწყებლობის რეფორმირების საკითხზე სერიოზული უთანხმოება აქვს. ფინანსთა მინისტრი ახალი სამაუწყებლო კორპორაციის შექმნას გეგმავს, რის წინააღმდეგაც პრემიერი გამოდის. მისი მტკიცებით, ძველი სამაუწყებლო სისტემის გაუქმება ასობით ადამიანს სამსახურს დააკარგვინებს. ოპოზიცია კი ირწმუნება, რომ ნეთანიაჰუს ტელე-რადიო მაუწყებლობაზე კონტროლის შენარჩუნება სურს.
