მოსული ბოლო 24 საათის განმავლობაში ათასზე მეტმა ადამიანმა დატოვა. შეტაკებები ქალაქის ისტორიულ ცენტრში უკვე ერთი კვირაა გრძელდება. სახელისუფლო ძალებმა დასავლეთ მოსულში თითქმის ყველა სტრატეგიული მნიშვნელობის ობიექტი დაიკავეს. ისლამური სახელმწიფოს მებრძოლები კონტროლს მხოლოდ რამდენიმე რაიონზე ინარჩუნებენ. დასავლეთ მოსულის გათავისუფლების ოპერაცია ერაყის არმიამ 19 თებერვალს დაიწყო. მანამდე მათ კონტროლს ქალაქის აღმოსავლეთ ნაწილი დაექვემდებარა. გასული წლის ოქტომბრიდან დღემდე ერაყის სიდიდით მეორე ქალაქი 255 ათასამდე ადამიანმა დატოვა.
