მექსიკის კედლის მშენებლობაში ჩართვით 200-მდე კომპანიაა დაინტერესებული. ამის შესახებ თეთრი სახლის ლიდერმა „ფოქს ნიუსისთვის“ მიცემულ ინტერვიუში განაცხადა. დონალდ ტრამპის თქმით, კომპანიების სიმრავლე კონკურენციას გაზრდის და კედლის მშენებლობა გაცილებით ნაკლები დაჯდება. მექსიკის საზღვარზე კედლის მშენებლობის პირობას ტრამპი ჯერ კიდევ საპრეზიდენტო არჩევნებამდე იძლეოდა. პროექტის ღირებულება სავარაუდოდ მილიარდნახევარ დოლარს შეადგენს.
