თავდასხმა პარიზში. ორლის აეროპორტში ახალგაზრდა მამაკაცმა სამხედრო მოსამსახურეს იარაღი გამოსტაცა და გაქცევა სცადა. უსაფრთხოების სამსახურის თანამშრომლებმა მას ცეცხლი გაუხსნეს. თავდამსახმელი ადგილზე იქნა ლიკვიდირებული. მისი ვინაობა დგინდება. თავდასხმის შედეგად არავინ დაშავებულა. აეროპორტიდან მგზავრებისა და თანამშრომლების სასწრაფო ევაკუაცია განხორციელდა. დროებით შეჩერდა ავიარეისებიც. აეროპორტში გამნაღმველებიც გამოიძახეს, თუმცა მათ ტერმინალში ბომბი ვერ აღმოაჩინეს. ინციდენტამდე რამდენიმე საათით ადრე პატრულმა პარიზის ჩრდილოეთ გარეუბანში მანქანის გაჩერება სცადა, საიდანაც მას ცეცხლი გაუხსნეს და ადგილიდან მიიმალნენ. მანქანა სამართალდამცველებმა ორლის აეროპორტთან იპოვნეს. თავდამსხმელი სავარაუდოდ ერთი და იგივე პირია. სააგენტო როიტერის ინფორმაციით, ის მუსლიმია. სხვა დეტალები ამ დრომდე უცნობია.
