პერუში სტიქიის შედეგების სალიკვიდაციო სამუშაოები დაიწყო. მასში მაშველებთან ერთად ეროვნული არმია და მოხალისეებიც არიან ჩართულნი. ყველაზე დიდი ზარალი წყალდიდობამ და მეწყერმა კარაპონგოს რეგიონს მიაყენა. სტიქიამ მწყობრიდან გამოიყვანა საავტომობილო და სარკინიგზო მაგისტრალები. განადგურებულია ადგილობრივი ინფრასტრუქტურა. ზარალი ასობით მილიონ დოლარს ითვლის. უამინდობამ, ბოლო მონაცემებით, 62 ადამიანი იმსხვერპლა, რამდენიმე კი დაკარგულად ითვლება.
