მორიგი თავდასხმა საფრანგეთში. ქალაქ გრასის ლიცეუმში შუადღისას შეიარაღებული ახალგაზრდა შეიჭრა და ცეცხლი გახსნა. შედეგად 8 ადამიანი დაიჭრა. მათი უმრავლესობა ლიცეუმის მოსწავლეები არიან. წინასწარი ვერსიით, თავდამსახმელი 17 წლის სტუდენტია, რომელსაც სავარაუდოდ ლიცეუმის დირექტორის მოკვლა სურდა. სასწავლებლის დირექტორი მსუბუქად არის დაჭრილი. სამართალდამცავებმა თავდამსხმელი უკვე დააკავეს. დანაშაულის მოტივი ამ დრომდე უცნობია. პოლიცია თავდამსხმელის ისლამისტებთან კავშირს ჯერჯერობით გამორიცხავს.
