მორიგი განგაში გერმანიაში. ფინანსთა სამინისტროს საფოსტო ყუთში აღმოჩენილი საეჭვო პაკეტის გამო პოლიციამ შენობის ნაწილობრივი ევაკუაცია მოახდინა. სამართალდამცველების ცნობით, პაკეტში ხელნაკეთი ბომბი იყო ჩადებული. ასაფეთქებელი მოწყობილობა გამნაღმველებმა სპეციალურ პოლიგონზე გადაიტანეს და გააუვნებელყვეს. მოგვიანებით პოლიციამ სამინისტროს თანამშრომლებს შენობაში დაბრუნების უფლება მისცა. როგორც შინაგან საქმეთა სამინისტროში განაცხადეს, მომხდართან დაკავშირებით ჯერჯერობით არავინ დაუკავებიათ.
