თანამდებობის ბოროტად გამოყენებისა და კორუფციის გამო საფრანგეთის პრეზიდენტობის კანდიდატ ფრანსუა ფიიონს ოფიციალური ბრალდება წაუყენეს. ინფორმაცია უკვე დაადასტურა როგორც ფიიონის ადვოკატმა, ისე პროკურატურის წარმომადგენელმაც. ფიიონს პროკურატურა სახელმწიფო თანხების გაფლანგვაში ედავება, რაც მისი მეუღლისა და შვილების ფიქტიურ დასაქმებასთან არის დაკავშირებული. თავად ფიიონი ყველა ბრალდებას უარჰყოფს და აცხადებს, რომ მის მიმართ წამოწყებული კამპანიის მიუხედავად, საპრეზიდენტო არჩევნებში მონაწილეობაზე უარს არ იტყვის.
