უკრაინის სამხედრო პროკურატურამ სასამართლოს იანუკოვიჩის საქმის მასალები გადასცა. ამის შესახებ გენერალურმა პროკურორმა იური ლუცენკომ განაცხადა. მისივე თქმით, იანუკოვიჩი უკრაინის პირველი პრეზიდენტი იქნება, ვისაც სახელმწიფო ღალატის ბრალდებით გაასამართლებენ. გამოძიების დასრულების შესახებ უკრაინის გენერალურმა პროკურატურამ განცხადება 30 იანვარს გააკეთა. იანუკოვიჩი ამ დროისათვის თავს რუსეთს აფარებს.
