ნატოს გენერალური მდივანი თურქეთსა და ნიდერლანდებს დაძაბულობის განმუხტვისკენ მოუწოდებს. საგანგებო განცხადება მან ბრიუსელში გამართულ ბრიფინგზე გააკეთა. „პოზიციის ღიად გამოთქმა დემოკრატიის ფუნდამენტური პრინციპია, თუმცა აუცილებელია ურთიერთპატივისცემა. მოვუწოდებ ნატოს ყველა წევრს ერთმანეთის პატივისცემისკენ,“-აღნიშნა იენს სტოლტენბერგმა. ჰოლანდიასა და ანკარას შორის ურთიერთობა მას შემდეგ დაიძაბა, რაც ნიდერლანდებმა თურქ მაღალჩინოსნებს სააგიტაციო მიტინგები არ ჩაატარებინა. ამის გამო რეჯეფ თაიფ ერდოღანმა ნიდერლანდებს ნაციზმის გადმონაშთი და ბანანის რესპუბლიკა უწოდა.
