ჰოლანდია თურქეთისთვის ბოდიშის მოხდას არ აპირებს. ამის შესახებ ქვეყნის პრემიერ-მინისტრმა მარკ რიუტემ განაცხადა. მისივე თქმით, ჰოლანდიური მხარე ვითარების დეესკალაციას შეეცდება, თუმცა ბოდიშს არ მოიხდის. ორ ქვეყანას შორის ურთიერთობა მას შემდეგ დაიძაბა, რაც თურქეთის სოციალური პოლიტიკის მინისტრს როტერდამში სააგიტაციო მიტინგი არ ჩაატარებინეს და ქვეყნის ტერიტორია დაატოვებინეს. ამის გამო პრეზიდენტმა ერდოღანმა ჰოლანდიას ბანანის რესპუბლიკა უწოდა, ნიდერლანდების ხელისუფლება კი ფაშიზმში დაადანაშაულა.
